Мақолалар, китоблар, журналистика ва ОАВ
Муҳтарам Президентимиз жойларга чиққанларида оддий новвой, кекса отахону онахонлар, ёшлар билан суҳбатлашишга, таъзияли хонадонга кириб азадорлардан кўнгил сўрашга вақт ва хоҳиш топаётган бир вақтда Олмазор тумани мутасаддилари нега одамларнинг кўнглига йўл топиш эмас, балки уларнинг дилини сиёҳ қилишни маъқул кўришди
МЧЖ ҳудудида гаражи бўлган фуқароларнинг, жумладан ўзимни ҳам ёзма равишда огоҳлантирмасдан 27 январь куни гаражларни бузилиши норозиликларни келтириб чиқармокда. Чунки шу ҳудудда гаражи бўлган айрим фуқаролар бу ҳақда гаражлари бузилиб бўлгандан кейин хабар топишган. Олмазор тумани ички ишлар ходимлари “ҳимоясида” Олмазор тумани ҳокимиятининг қурилиш ишлар бўйича ҳоким ўринбосари, суд ижрочиси Ж.Машарипов гараж эгаларига ҳеч қандай ҳужжатларни тақдим этмасдан зўравонларча эгаларини чақирттирмасдан 40 донага яқин гаражларни бузиб, очиқ қолдиришди. Гаражлар ичидаги фуқароларнинг шахсий мулки бўлган буюмлар бўлиши мумкинлиги, уларнинг талон -тарож қилиниши эҳтимоли суд қарорини ижро этаётганларни ташвишга солмаяпти.